കൊച്ചി: മനുഷ്യാവകാശ മേഖലയിൽ പ്രവർത്തിക്കുന്ന ഹ്യൂമൻ റൈറ്റ്‌സ് പ്രൊട്ടക്ഷൻ മിഷൻ (എച്ച്.ആർ.പി.എം) സംസ്ഥാന ഭാരവാഹികളായി അനിൽ തോമസ് (പ്രസിഡന്റ്), കെ.എൻ. ദിവാകരൻ (ജനറൽസെക്രട്ടറി), യോഹന്നാൻ തരകൻ (ട്രഷറർ), എം.എ. മാത്യു, രാജ്‌മോഹൻ മാമ്പ്ര (വൈസ് പ്രസിഡന്റുമാർ) എന്നിവരെ തിരഞ്ഞെടുത്തു.
മാത്യൂസ് സ്‌കറിയ, ഡേവിസ് ആന്റണി പുല്ലൻ, എസ്. സുരേഷ്‌ ബാബു, എ.എൻ. ആനന്ദൻ എന്നിവരാണ് സംസ്ഥാന എക്‌സിക്യുട്ടീവ് അംഗങ്ങൾ.
എച്ച്.ആർ.പി.എം ദേശീയ പ്രസിഡന്റ് പ്രകാശ് ചെന്നിത്തല അദ്ധ്യക്ഷത വഹിച്ചു. സംസ്ഥാന കൺവെൻഷൻ റിട്ട. ജില്ലാ ജഡ്ജിയും എച്ച്.ആർ.പി.എം അഡ്വൈസറി ബോർഡ് അംഗവുമായ ലംബോദരൻ വയലാർ ഉദ്ഘാടനം ചെയ്തു. ദേശീയ ട്രഷറർ എം.വി.ജി നായർ, സംസ്ഥാന രക്ഷാധികാരി ഉപേന്ദ്രൻ, സംസ്ഥാന ഭാരവാഹികളായ വിൻസെന്റ് ആന്റണി, നടരാജൻ, സലീം അഞ്ചൽ, ബേബിച്ചൻ, പി.എം. പോൾ പുല്ലൻ, ഷാജഹാൻ, ആർ.ആർ. നായർ തുടങ്ങിയവർ പ്രസംഗിച്ചു.