ചോറ്റാനിക്കര: ചോറ്റാനിക്കര ഗവ. ഹൈസ്കൂളിലെ പൂർവ വിദ്യാർത്ഥികളുടെ നേതൃത്വത്തിൽ ( 97 ബാച്ച് ) നിർദ്ധനരായ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. ബാഗ്,​ നോട്ട്ബുക്ക് കുട, ഇൻസ്ട്രുമെന്റ് ബോക്സ് അടക്കം 30 വിദ്യാർത്ഥികൾക്കുള്ള പഠനോപകരണങ്ങൾ ചോറ്റാനിക്കര ഗവ. ഹൈസ്കൂളിലെ പ്രധാനാദ്ധ്യാപിക ബിന്ദു ശ്രീകുമാറിന് കൈമാറി. പൂർവ വിദ്യാർത്ഥികളായ ബൈജു കോളിൻസ്, സുമേഷ് ഹരിദ്ര,ഡാനിഷ്,ഷിബു, ഡാനി, ജിനോ, അജേഷ്, ധന്യ എന്നിവർ നേതൃത്വം നൽകി.