പിറവം: പിറവം ടൗണിലുള്ള ഒരു മത്സ്യ കടയിൽ നിന്നും മത്സ്യം വാങ്ങിച്ചു ഉപയോഗിച്ച ഒരു കുടുംബത്തിലെ നാലുപേർക്ക് ഭക്ഷ്യവിഷബാധയേറ്റതായി ആരോപണം. വിഷബാധയേറ്റവർ പിറവം താലൂക്ക് ആശുപത്രിയിൽ ചികിത്സ തേടി. പഴകിയ മത്സ്യം വിറ്റതിൽ മുമ്പും ആരോപണ വിധേയമായ മത്സ്യകടഅടച്ചു പൂട്ടണമെന്ന് ബിജെപി മുനിസിപ്പാലിറ്റി കമ്മിറ്റി ആവശ്യപ്പെട്ടു. മത്സ്യക്കടയിലേക്ക് നടത്തിയ മാർച്ച് ബിജെപി എറണാകുളം ജില്ലാ വൈസ് പ്രസിഡണ്ട് വി.എസ്.സത്യൻ ഉദ്ഘാടനം ചെയ്തു. സാബു ആലക്കൽ അദ്ധ്യക്ഷനായി. സിജു ഗോപാലകൃഷ്ണൻ,ശശി മാധവൻ.വിനോദ് മഹാദേവൻ, എം.സി. വിൻസന്റ്. എം.എൻ. വിനോദ്. പി.എസ്. രാജേഷ് കുമാർ, ശ്രീജിത്ത്‌ കക്കാട് തുടങ്ങിയവർ സംസാരിച്ചു.