പറവൂർ: പുല്ലംകുളം ശ്രീനാരായണ ഹയർസെക്കൻഡറി സ്കൂളിൽ എസ്.എസ്.എൽ.സി പരീക്ഷയിൽ എല്ലാ വിഷയത്തിലും എ പ്ളസ് ലഭിച്ച വിദ്യാർത്ഥികളെ അനുമോദിച്ചു. പ്രതിപക്ഷനേതാവ് വി.ഡി. സതീശൻ ഉപഹാരം സമ്മാനിച്ചു. സ്കൂൾ മാനേജർ പി.എസ്. സ്മിത്ത് അദ്ധ്യക്ഷനായി. നഗരസഭാ പൊതുമരാമത്ത് വകുപ്പ് സ്റ്റാൻഡിംഗ് കമ്മിറ്റി ചെയർമാൻ സജി നമ്പിയത്ത്, പറവൂർ ഈഴവസമാജം പ്രസിഡന്റ് എസ്.എസ്. ജ്യോതി, സെക്രട്ടറി പി.എസ്.ഹരിദാസ്, ഹെഡ്മിസ്ട്രസ് ടി.ജെ. ദീപ്തി, പ്രിൻസിപ്പൽ സി.എസ്. ജാസ്മിൻ, എം.കെ. സജീവൻ, കെ.എസ്. ബിന്ദു എന്നിവർ സംസാരിച്ചു.