കൊച്ചി: പിണറായി സർക്കാർ പൊതുവിദ്യാഭ്യാസ മേഖലയിൽ നടത്തിയ ഫലപ്രദമായ ഇടപെടലുകളാണ് എസ്.എസ്.എൽ.സി, പ്ലസ് ടു പരീക്ഷകളിലെ ഉന്നത വിജയത്തിന് കാരണമെന്ന് മന്ത്രി രാമചന്ദ്രൻ കടന്നപ്പള്ളി പറഞ്ഞു.

യൂത്ത് കോൺഗ്രസ് (എസ്) ജില്ലാകമ്മിറ്റി ആലുവയിൽ സംഘടിപ്പിച്ച വിദ്യാഭ്യാസ അവാർഡ്ദാന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.

യൂത്ത് കോൺഗ്രസ് ജില്ലാ പ്രസിഡന്റ് രഞ്ജു ചെറിയാൻ അദ്ധ്യക്ഷത വഹിച്ചു. കോൺഗ്രസ് (എസ്) ജില്ലാ പ്രസിഡന്റ് അനിൽ കാഞ്ഞിലി, യൂത്ത് കോൺഗ്രസ് സംസ്ഥാന പ്രസിഡന്റ് സന്തോഷ് കാലാ, ജില്ലാ ജനറൽ സെക്രട്ടറി ജൂബി എം വർഗീസ്,
ടി.വി. വർഗീസ്, മാത്യൂസ് കോലഞ്ചേരി തുടങ്ങിയവർ സംസാരിച്ചു.