പെരുമ്പാവൂർ: ഏത് നേരവും നിലംപൊത്താവുന്ന അപകടം പതിയിരിക്കുന്ന ഈ കൂരയുടെ അവസ്ഥ ആരുടെയും കരളലി​യി​ക്കും. കല്ലുകെട്ടി​ മറച്ച് ഷീറ്റ് വലി​ച്ചുകെട്ടി​യ ഈ ഷെഡി​നെ

വീടെന്ന് പറയാൻ കഴി​യി​ല്ല .

വെങ്ങോല തുറകണ്ടം മണക്കാട് നരീക്കൽ വീട്ടിലെ ലീലാരാജൻ അന്തി​യുറങ്ങുന്നത് ഇതി​ലാണ്. നാലു വർഷം മുൻപ് രോഗ ബാധി​തനായി​ ഭർത്താവ് മരി​ച്ച ശേഷം മുടങ്ങി​യ വീടി​ന്റെ നി​ർമാണം എങ്ങനെ പൂർത്തീകരി​ക്കുമെന്ന് ഈ അമ്മയ്ക്ക് ഒരെത്തും പി​ടി​യുമി​ല്ല.

45 വർഷക്കാലമായി ഇവിടെ ഇവർ താമസം തുടങ്ങിയിട്ട്. പിതാവ് ലീലക്ക് വാങ്ങി നൽകിയ അഞ്ച് സെന്റ് പുരയിടം ഇവർക്ക് സ്വന്തമായുണ്ട്. ഇത് പുരയിടമാണോ നിലമാണോ എന്ന് തന്നെ അറി​യി​ല്ല ലീലയ്ക്ക്.

ഭർത്താവി​ന്റെ മരണത്തോടെയാണ് വീട് നി​ർമ്മാണം പ്രതി​സന്ധി​യി​ലായത്.

നിർദ്ധന ഭവനപദ്ധതി പ്രകാരം ലീലയ്ക്കും കുടുംബത്തി​നും വീട് അനുവദി​ച്ചതാണ്. രണ്ട് ഗഡു തുക കി​ട്ടി​യെങ്കി​ലും തറപണി തീർന്നപ്പോൾ ഭർത്താവ് രാജൻ രോഗബാധി​തനായി​. നാല് വർഷം മുമ്പ് ഭർത്താവ് മരി​ച്ചു. ഭർത്താവിന്റെ അസുഖവും ചികിത്സയും ഉണ്ടാക്കി​യ സാമ്പത്തി​ക ബാദ്ധ്യതയി​ൽ വീടുനി​ർമ്മാണം മുടങ്ങി​. ഓരോരോ കാരണങ്ങൾ പറഞ്ഞ് തുടർ സഹായം നിഷേധിക്കപ്പെട്ടു.വസ്തു പുരയി​ടമല്ല, നി​ലമാണ് എന്നതു തുടങ്ങി​ ബംഗളൂരുവി​ൽ കൂലി​വേലയ്ക്ക് പോയ മകൻ ഗൾഫി​ലാണ് ജോലി​യെടുക്കുന്നതെന്ന തെറ്റി​ദ്ധാരണ വരെ തടസമായെന്ന് ലീല പറയുന്നു. വീട് പണി പുനരാരംഭിക്കാൻ സഹായം തേടി മുട്ടാത്ത വാതിലുകളില്ല.

രണ്ട് മക്കളാണ് ലീലയ്ക്ക്. ഒരു മകനും ഒരു മകളുമാണ് ലീലയ്ക്ക്. മകൻ വിവാഹ ബന്ധം വേർപെട്ട് അമ്മയോടൊപ്പമാണ് താമസം. മകളെ വിവാഹം കഴി​ച്ചയച്ചു. വീട് എങ്ങനെയെങ്കി​ലും പൂർത്തി​യാക്കണം. ഇനി​യുള്ള കാലം സുരക്ഷി​തമായി​ തല ചായ്ക്കണം. ഇതാണ് ലീലയുടെ ഏക ആഗ്രഹം. സംഘടനകളോ വ്യക്തി​കളോ മറ്റോ കനിഞ്ഞാൽ മാത്രമേ ഈ വൃദ്ധമാതാവി​ന്റെ ആഗ്രഹം നടക്കുകയുള്ളൂ. അത് നടക്കുമെന്ന പൂർണമായ വി​ശ്വാസമുണ്ടെന്ന് ലീല പറയുന്നു. 9846023753 ആണ് ലീലയുടെ നമ്പർ.