കൊച്ചി: ബഹിരാകാശ ഗവേഷണ രംഗത്ത് സ്വകാര്യമേഖലയുടെ കൂടുതൽ പങ്കാളിത്തം ആവശ്യമാണെന്ന് ഐ.എസ്.ആർ.ഒ. ചെയർമാൻ ഡോ.എസ്. സോമനാഥ് പറഞ്ഞു. കൊല്ലം ടി.കെ.എം. എൻജിനിയറിംഗ് കോളേജ് അലുംനി അസോസിയേഷൻ കൊച്ചി ചാപ്റ്റർ വാർഷികവും ടെക് കോൺക്ളേവും ഉദ്ഘാടനം ചെയ്യുകയായിരുന്നു അദ്ദേഹം.അമേരി​ക്കയ്ക്കും റഷ്യയ്ക്കും ഒപ്പം ബഹി​രാകാശ ഗവേഷണത്തി​ൽ മത്സരിക്കാൻ ഇപ്പോൾ ഇന്ത്യയ്ക്ക് കഴി​യും. റോക്കറ്റ് വി​ക്ഷേപണം കുറ്റമറ്റതാക്കാനുള്ള സങ്കീർണമായ കമ്പ്യൂട്ടറുകൾ നി​ർമ്മി​ക്കാനുള്ള ശ്രമങ്ങളി​ലാണ് ഐ.എസ്.ആർ.ഒയെന്നും സോമനാഥ് പറഞ്ഞു.

അലുംനി​ അസോസി​യേഷൻ കൊച്ചി​ ചാപ്റ്റർ പ്രസി​ഡന്റ് എ.ആർ.സതീഷ് അദ്ധ്യക്ഷത വഹി​ച്ചു. സെക്രട്ടറി​ ജ്യോതി​ലക്ഷ്മി​, പ്രൊഫ. പി​.ഒ.ജി​. ലബ്ബ, എം.വി​.ഹരീഷ് തുടങ്ങി​യവർ സംസാരി​ച്ചു.