വൈപ്പിൻ : എസ്. എൻ.ഡി.പി യോഗം മുനമ്പം ശാഖാ 936 യോഗം വക ഗുരുദേവ ക്ഷേത്രത്തിലെ പ്രതിഷ്ഠാദിന മഹോത്സവത്തിനോട് അനുബന്ധിച്ചുള്ള സാംസ്‌കാരിക സമ്മേളനംഎസ്.എൻ.ഡി.പി. യോഗം വൈപ്പിൻ യൂണിയൻ പ്രസിഡന്റ് ടി.ജി. വിജയൻ ഉദ്ഘാടനം ചെയ്തു. സ്വാമിനി നാരായണ ചിത്ത് വിലാസിനി ആത്മീയ പ്രഭാഷണം നടത്തി. യൂണിയൻ സെക്രട്ടറി ടി. ബി. ജോഷി അദ്ധ്യക്ഷത വഹിച്ചു. സംസ്ഥാന നാടക അവാർഡ് ജേതാവ് ബിജു ജയാനന്ദൻ, ഫോക്ക്‌ലോർ അക്കാദമി ഫെല്ലോഷിപ്പ് നേടിയ അലക്‌സ് താളൂപ്പാടത്ത് , അന്താരാഷ്ട്ര പുരസ്‌കാരങ്ങൾ നേടിയ കാർട്ടൂണിസ്റ്റ് സി.ബി. ഷിബു എന്നിവരെ ചടങ്ങിൽ ആദരിച്ചു.
പഞ്ചായത്ത് പ്രസിഡന്റ് രമണി അജയൻ, യോഗം ബോർഡ് മെമ്പർ കെ.പി. ഗോപാലകൃഷ്ണൻ, വി.വി. അനിൽ, കെ.എഫ്. വിത്സൻ, ശാഖാ പ്രസിഡന്റ് കെ.എൻ. മുരുകൻ, ദേവസ്വം മാനേജർ കെ.ടി. ഡെനീഷ്, ശാഖാ വൈസ് പ്രസിഡന്റ് രഞ്ചൻ തേവാലിൽ, സെക്രട്ടറി രാധ നന്ദനൻ എന്നിവർ പ്രസംഗിച്ചു.

ഇന്ന് രാവിലെ 11 മുതൽ പ്രസാദ ഊട്ട്. വൈകിട്ട് 4.30ന് താലഘോഷയാത്ര മാല്യങ്കര കണ്ണേക്കാട്ട് ക്ഷേത്രത്തിൽ നിന്ന് വാദ്യമേളങ്ങൾ, കാവടികൾ എന്നിവയോടെ ക്ഷേത്രത്തിലെത്തും.