മൂവാറ്റുപുഴ: വേനൽമഴ കനത്തതോടെ മൂവാറ്റുപുഴ നഗരത്തിൽ വെള്ളക്കെട്ടും ഗതാഗതക്കുരുക്കും രൂക്ഷമായി. എം.സി റോഡിൽ വാഴപ്പിള്ളിമുതൽ രൂപപ്പെട്ട വെള്ളക്കെട്ട് വെള്ളൂർക്കുന്നം, കച്ചേരിത്താഴം, പി.ഒ ജംഗ്ഷൻ, ലതപടി , കീച്ചേരിപടി എന്നിവിടങ്ങളിലേക്ക് വ്യാപിച്ചു ഇതോടെ മൂവാറ്റുപുഴ നഗരത്തിൽ ഗതാഗതക്കുരുക്ക് രൂക്ഷമായി. നാല് മണിയോടെ ആരംഭിച്ച ഗതാഗതക്കുരുക്കിന് അല്പം ശമനമായത് രാത്രി 7മണിയോടെയാണ്. കാറുകൾക്കും ഇരുചക്ര വാഹനങ്ങൾക്കുമടക്കം കടന്നുപോകാൻ കഴിയാത്ത അവസ്ഥയായിരുന്നു.

റോഡിന്റെ ഇരുവശങ്ങളിലുമായുള്ള ഓടകളിൽ വെള്ളം നിറഞ്ഞതോടെയാണ് റോഡിൽ വെള്ളക്കെട്ട് രൂപപ്പെട്ടത്. റോഡിൽ വെള്ളം നിറഞ്ഞതോടെ ഓടയും റോഡും ഏതാണെന്ന് വാഹനയാത്രക്കാർക്ക് തിരിച്ചറിയാൻ കഴിയാത്ത അവസ്ഥയായി.