കൊച്ചി: ഇന്റർവെൻഷണൽ പൾമണോളജിയുടെ 26-ാമത് ദേശീയ സമ്മേളനം 'ബ്രോങ്കോകോൺ കൊച്ചി-2024' 24 വെള്ളിയാഴ്ച മുതൽ ഹോട്ടൽ ലെ മെറിഡിയനിൽ നടക്കും.

അക്കാഡമി ഒഫ് പൾമണറി ആൻഡ് ക്രിട്ടിക്കൽ കെയർ മെഡിസിൻ (എ.പി.സി.സി.എം), കൊച്ചിൻ തൊറാസിക് സൊസൈറ്റി (സി.ടി.എസ്) എന്നിവയുടെ പങ്കാളിത്തത്തോടെ
ഇന്ത്യൻ അസോസിയേഷൻ ഫോർ ബ്രോങ്കോളജിയാണ് സമ്മേളനം സംഘടിപ്പിക്കുന്നത്.

ബ്രോങ്കോസ്‌കോപ്പി, തോറാക്കോസ്‌കോപ്പി, പീഡിയാട്രിക് ഇന്റർവെൻഷണൽ പൾമണോളജി, റോബോട്ടിക്‌സ് എന്നിവയിലുണ്ടായിട്ടുള്ള ശാസ്ത്ര സാങ്കേതിക മുന്നേറ്റങ്ങളും നൂതന ശസ്ത്രക്രിയാ രീതികളും സംബന്ധിച്ച സെഷനുകളും ശിൽപശാലകളും സമ്മേളനത്തിലുണ്ട്.

ഔദ്യോഗിക ഉദ്ഘാടനം ഗവർണർ ആരിഫ് മുഹമ്മദ് ഖാൻ 25 ശനിയാഴ്ച വൈകീട്ട് ആറിന് നിർവ്വഹിക്കും. കെ.യു.എച്ച്.എസ് വൈസ് ചാൻസലർ ഡോ. മോഹനൻ കുന്നുമ്മൽ മുഖ്യപ്രഭാഷണം നടത്തും.

ഇന്ത്യയിലും വിദേശത്തുനിന്നുമായി ആയിരത്തിലധികം പ്രതിനിധികൾ പങ്കെടുക്കും.
ഓർഗനൈസിംഗ് ചെയർമാൻ ഡോ. നാസർ യൂസഫ്, ഓർഗനൈസിംഗ് സെക്രട്ടറി അഖിലേഷ്. കെ, ഡോ.പരമേശ്. എ.ആർ, സയന്റിഫിക് കമ്മിറ്റി ചെയർമാൻ ഡോ. റെന്നിസ് ഡേവിസ്, വർക്ക്‌ഷോപ്പ് കമ്മിറ്റി ചെയർമാൻ ഡോ. പ്രവീൺ വത്സലൻ എന്നിവർ വാർത്താ സമ്മേളനത്തിൽ പങ്കെടുത്തു.