കൊച്ചി: കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ (കെ.എച്ച്.ആർ.എ) അംഗങ്ങൾക്കായുളള സുരക്ഷാപദ്ധതിയുടെ സംസ്ഥാനതല ഉദ്ഘാടനവും ലോഗോ പ്രകാശനവും എറണാകുളം കെ.എച്ച്.ആർ.എ ഭവനിൽ സംസ്ഥാന പ്രസിഡന്റ് ജി. ജയപാൽ നിർവഹിച്ചു. അംഗം മരിച്ചാൽ കുടുംബത്തിന് 10 ലക്ഷം ആശ്വാസധനം നൽകുന്ന പദ്ധതിയാണിത്. സംസ്ഥാന വർക്കിംഗ് പ്രസിഡന്റ് സി. ബിജുലാൽ അദ്ധ്യക്ഷത വഹിച്ചു. കെ.എച്ച്.ആർ.എ. സുരക്ഷാപദ്ധതി സംസ്ഥാന ചെയർമാൻ വി.ടി. ഹരിഹരൻ, വൈസ് പ്രസിഡന്റ് അസീസ്, വി.വീരഭദ്രൻ, അബ്ദുൾസമദ്, നാസർ താജ്, ടി.ജെ. മനോഹരൻ, കെ.ടി. റഹിം എന്നിവർ പങ്കെടുത്തു.