ആലുവ: തായിക്കാട്ടുകര ശ്രീനാരായണപുരം കേന്ദ്രീകരിച്ച് സാമൂഹികമേഖലയിൽ പ്രവർത്തിക്കുന്ന ശ്രീനാരായണ മെൻസ് ഫോറം ചാരിറ്റബിൾ സൊസൈറ്റി എട്ടാമത് വാർഷികവും കുടുംബസംഗമവും കോട്ടയം ഡെപ്യൂട്ടി കളക്ടർ (ലാൻഡ് റവന്യൂ) കെ. ഉഷ ബിന്ദുമോൾ ഉദ്ഘാടനം ചെയ്തു. ചെയർമാൻ മനോഹരൻ തറയിൽ അദ്ധ്യക്ഷത വഹിച്ചു. പ്രൊഫ. എൻ.കെ. വിജയൻ മുഖ്യപ്രഭാഷണം നടത്തി. കൺവീനർ പ്രകാശ് പുറത്തുംമുറി, വൈസ് ചെയർമാൻ മുകേഷ് ബാബു, ട്രഷറർ ജയരാജൻ ചാത്തംപറമ്പിൽ, ജോ. കൺവീനർ വിബിൻകുമാർ എന്നിവർ സംസാരിച്ചു.