പറവൂർ: കേന്ദ്ര സർക്കാരിന്റെ അമൃത് പദ്ധതി തോന്നിയകാവ് ക്ഷേത്രക്കുളം നവീകരിക്കുന്നു. വെള്ളം വറ്റിച്ചുള്ള ശുചീകരണ പ്രവർത്തനങ്ങൾ തുടങ്ങി. 10ലക്ഷം രൂപയാണ് പദ്ധതിക്ക് വകയിരുത്തിയിട്ടുള്ളത്. പടവുകളിൽ ഹാൻഡ് റെയിൽ, ക്ഷേത്രാവശ്യങ്ങൾക്ക് വടക്കേകടവിൽ റാമ്പ്,​ ഇടിഞ്ഞ മതിലിന്റെ പുനർനിർമ്മാണം എന്നിവയാണ് പദ്ധതിയിലുള്ളത്. പറവൂർ നഗരത്തിലെ പെരുവാരം ക്ഷേത്രത്തിലെ കിഴക്ക്, പടിഞ്ഞാറ് നടകളിലെ കുളങ്ങൾ, ദക്ഷിണ മൂകാംബിക ക്ഷേത്രക്കുളം, കിഴക്കേപ്രം കൊറ്റംകുളം, നന്ദികുളങ്ങര പാലകുളം എന്നിവയാണ് അമൃത് പദ്ധതിയൽ ഉൾപ്പെട്ടിട്ടുള്ള കുളങ്ങൾ.