അങ്കമാലി: എടലക്കാട് സമന്വയ സാംസ്‌കാരിക സമിതിയുടെയും ഗ്രാമീണ വായനശാലയുടെയും വാർഷികത്തോടനുബന്ധിച്ച് നടന്നുവരുന്ന ആഘോഷപരിപാടികൾ ഇന്ന് സമാപിക്കും. വൈകിട്ട് 6ന് സമാപന സമ്മേളനം റോജി എം. ജോൺ എം.എൽ.എ ഉദ്ഘാടനം ചെയ്യും. പ്രസിഡന്റ് ടി.എം. യാക്കോബ് അദ്ധ്യക്ഷത വഹിക്കും. ടിനോ ഗ്രേസ് തോമസ് മുഖ്യപ്രഭാഷണം നടത്തും. ലാലി ആന്റു, കെ.എസ്. മൈക്കിൾ, സിജി ജിജു, കൺവീനർ ബെന്നി ഇക്കാൻ, സെക്രട്ടറി വി. ജി. സേതു, ട്രഷറർ വി. ഡി. തുളസീധരൻ എന്നിവർ പ്രസംഗിക്കും. വിവിധ മേഖലകളിൽ മികവ് പ്രകടിപ്പിച്ച പ്രതിഭകളെ എം.എൽ.എയും എസ്. മീനാക്ഷിയും ആദരിക്കും. ആഘോഷങ്ങളുടെ ഭാഗമായി സംഘടിപ്പിച്ച ദ്വിദിന വിദ്യാർത്ഥി നേതൃത്വ പരിശീലനക്യാമ്പ് പഞ്ചായത്ത് പ്രസിഡന്റ് ബിജു പാലാട്ടിയും പുസ്തകപരിചയ ശില്പശാല മുൻ പ്രസിഡന്റ് ടി. എം. വർഗീസും കാവ്യകേളിക സംസ്ഥാന ലൈബ്രറി കൗൺസിൽ അംഗം ടി. പി. വേലായുധനും ഉദ്ഘാടനം ചെയ്തു.