തൃപ്പൂണിത്തുറ: പൂത്തോട്ട സ്വാമി ശാശ്വതീകാനന്ദ കോളേജിന്റെയും കരിയർ ഡെവലപ്മെന്റ് സെന്റർ ആൻഡ് ടൗൺ എംപ്ലോയ്മെന്റ് എക്സ്ചേഞ്ച് തൃപ്പൂണിത്തുറയുടെയും ആഭിമുഖ്യത്തിൽ മെഗാ ജോബ്ഫെയർ സംഘടിപ്പിച്ചു. പൂത്തോട്ട എസ്.എൻ എഡ്യുക്കേഷണൽ ഇൻസ്റ്റിറ്റ്യൂഷൻസ് മാനേജർ എ.ഡി. ഉണ്ണിക്കൃഷ്ണൻ ഉദ്ഘാടനം ചെയ്തു. കോളേജ് പ്രിൻസിപ്പൽ പ്രൊഫ. കെ.എസ്. ഉല്ലാസ് അദ്ധ്യക്ഷനായി. എസ്.എൻ ഇൻസ്റ്റിറ്റ്യൂഷൻസ് മുൻ മാനേജർ ഇ.എൻ. മണിയപ്പൻ, വൈസ് പ്രസിഡന്റ് അനില സാബു, സെക്രട്ടറി കെ.കെ. അരുൺകാന്ത്, എംപ്ലോയ്മെന്റ് ഓഫീസർ എം.ജി. സിന്ധു, അസി. സെന്റർ മാനേജർ ബിനു ബാഹുലേയൻ, കോളേജ് വൈസ് പ്രിൻസിപ്പൽ കെ.എൻ. ശ്രീകാന്ത്, പ്രോഗ്രാം കമ്മിറ്റി കോ ഓർഡിനേറ്റർ അനു മേരി ജോസ് എന്നിവർ സംസാരിച്ചു. മെഗാ ജോബ്ഫെയറിൽ 23ൽ അധികം കമ്പനികൾ പങ്കെടുത്തു. 600-ലധികം ഉദ്യോഗാർത്ഥികൾ രജിസ്റ്റർ ചെയ്തു.