തൊടുപുഴ: അന്യായമായി ഇ.ഡി അറസ്റ്റ് ചെയ്ത അരവിന്ദ് കേജ്രിവാളിന് സുപ്രീം കോടതി ജാമ്യം നൽകിയതിനെ തുടർന്ന് തൊടുപുഴയിൽ ആം ആദ്മി പ്രവർത്തകർ ആഹ്ലാദപ്രകടനം നടത്തി. ജില്ലാ പ്രസിഡന്റ് ജേക്കബ് മാത്യു എട്ടുതൊട്ടിയിൽ ഉദ്ഘാടനം ചെയ്തു. തൊടുപുഴ മുനിസിപ്പാലിറ്റി സ്റ്റാൻഡിൽ നിന്ന് ആരംഭിച്ചു ടൗൺചുറ്റി ഗാന്ധി സ്ക്വയറിൽ പ്രകടനം സമാപിച്ചു. തൊടുപുഴ നിയോജക മണ്ഡലം പ്രസിഡന്റ് റോയി പ്ലാത്തോട്ടത്തിൽ നേതൃത്വം നൽകി. നിയോജകമണ്ഡലം ഭാരവാഹികളായ മായാ ബാബു, അഭിലാഷ് ബഷീർ, ജാസിൽ കെ. ഫിലിപ്പ്, റോബിൻസ് സെബാസ്റ്റ്യൻ, പുന്നൂസ് ജേക്കബ് തുടങ്ങിയവർ പങ്കെടുത്തു.