തൊടുപുഴ: യൂണിവേഴ്‌സിറ്റി ഹാന്റ്‌ബോൾ ചാംമ്പ്യൻഷിപ്പിൽ ജില്ലാ ടീമിൽ നിന്ന് എഴ് കായിക താരങ്ങൾക്ക് സെലക്ഷൻ ലഭിച്ചു. തേവരയിൽ നടന്ന ഓൾ ഇന്ത്യാ ചാമ്പ്യൻഷിപ്പിൻ ചരിത്ര വിജയം നേടിയ എം.ജി. യൂണിവേഴ്‌സിറ്റി ടീം ക്യാപ്ടൻ അനീഷ് ജിജി, കിരൺ ആർ. കൃഷ്ണ, ഇൻസമാം അനസ് എന്നിവർ കളമശേരി സെന്റ് പോൾസ് കോളേജ് വിദ്യാർത്ഥികളാണ്. കാലിക്കറ്റ് യൂണിവേഴ്സ്റ്റി ടീമിൽ സെലക്ഷൻ ലഭിച്ചത് കൊടകര സഹൃദയ കോളേജ് താരങ്ങളായ റോണി വി.ടി, ഇന്ത്യൻ യൂണിവേഴ്‌സിറ്റി ടീം അംഗം ജീവൻ ജോസ്, കേരള യൂണിവേഴ്സിറ്റി ടീമിൽ സെലക്ഷൻ ലഭിച്ചത് യൂണിവേഴ്‌സിറ്റി കോളേജ് വിദ്യാർത്ഥികളായ അൻസിഫ് ഷാഹുൽ, അലൻ ആന്റണി എന്നിവർക്കാണ്. ഇതിലൂടെ ജില്ലയ്ക്ക് അഭിമാനകരമായ നേട്ടം കൈവരിക്കാൻ കഴിഞ്ഞതായി ജില്ലാ പ്രസിഡന്റ് പി. അജീവും സെക്രട്ടറി അൻവർ ഹുസൈനും അറിയിച്ചു.