കട്ടപ്പന : നരിയംപാറ പുതിയകാവ് ദേവീ ക്ഷേത്രത്തിൽ വിശേഷാൽ പൂജകളും പരിഹാരക്രിയകളും ആരംഭിച്ചു. ക്ഷേത്ര ചൈതന്യം വർദ്ധിപ്പിക്കുന്നതിനും, ക്ഷേത്ര പുരോഗതിക്കും,സർവ്വ വിഘ്‌ന നിവാരണത്തിനും, സർവ്വ ഐശ്വര്യത്തിനും ആയുർ ആരോഗ്യ സൗഖ്യത്തിനും കാര്യംവിജയത്തിനുമായിട്ടാണ് വിശേഷാൽ പൂജകളും പരിഹാരക്രിയകളും ആരംഭിച്ചത്. കർമ്മങ്ങൾ ഞായറാഴ്ച വരെ നീണ്ടുനിൽക്കും. ക്ഷേത്രം തന്ത്രി ത്രിവിക്രമൻ നാരായണൻ ഭട്ടതിരിപ്പാടിന്റെയും ക്ഷേത്രം മേൽശാന്തി കൃഷ്ണൻ എമ്പ്രാന്തിരിയുടെയും മുഖ്യ കാർമികത്വത്തിലാണ് കർമ്മങ്ങൾ നടക്കുന്നത്.