കട്ടപ്പന: വണ്ടൻമേട്ടിൽ ഏലയ്ക്ക വ്യാപാര സ്ഥാപനത്തിന്റെ താഴ് തകർത്ത് 6.5 ലക്ഷം രൂപയുടെ ഏലയ്ക്ക മോഷ്ടിച്ചു കടത്തി. ഞായറാഴ്ച രാത്രി യിലാണ് മോഷണം നടന്നത്. തിങ്കളാഴ്ച്ച രാവിലെ കട തുറക്കാൻ ഉടമയെത്തിയപ്പോഴാണ് മോഷണം ശ്രദ്ധയിൽപെടുന്നത്. തുടർന്ന് വണ്ടൻമേട് പൊലീസിൽ അറിയിച്ചു.കടയുടെ താഴ് തകർത്ത് അകത്തു കയറിയ മോഷ്ടാക്കൾ സി.സി.ടി.വി.യിൽ ദൃശ്യം പതിയാതിരിക്കാൻ സ്‌പ്രെ പെയിന്റ് അടിച്ച് ക്യാമറ അവ്യക്തമാക്കി . ഇതോടെ മോഷ്ടാക്കളുടെ ദൃശ്യം കണ്ടെത്താൻ പൊലീസിന് കഴിഞ്ഞിട്ടില്ല. ആറു ചാക്കുകളിലായി 312 കിലോ ഏലയ്ക്കയാണ് മോഷണം പോയത്. കൂടുതൽ അന്വേഷണം നടത്തുകയാണെന്ന് വണ്ടൻമേട് പൊലീസ് അറിയിച്ചു.