അടിമാലി: കുടുംബശ്രീയുടെ ഇരുപത്തിയാറാം വാർഷികാഘോഷങ്ങളുടെ ഭാഗമായി നടപ്പാക്കുന്ന എന്നിടം പരിപാടിയുടെ വെള്ളത്തൂവൽ പഞ്ചായത്ത് തല ഉദ്ഘാടനം നടന്നു. കുടുംബശ്രീ അംഗങ്ങളുടെ കലാപരമായ കഴിവുകളെ പരിപോഷിപ്പിക്കുക അവസരമൊരുക്കുകയെന്ന ലക്ഷ്യത്തോടു കൂടിയാണ് എന്നിടത്തിന് രൂപം നൽകിയിട്ടുള്ളത്. വെള്ളത്തൂവൽ കമ്മ്യൂണിറ്റി ഹാളിൽ വച്ച് എന്നിടത്തിന്റെ വെള്ളത്തൂവൽ പഞ്ചായത്ത് തല ഉദ്ഘാടനം നടന്നു. പരിപാടിയിൽ പങ്കെടുത്ത മുതിർന്ന അംഗങ്ങളായ വത്സമ്മ ജോയിയും രേവതി കുഞ്ഞഗസ്തിയും എന്നിടത്തിന്റെ ഉദ്ഘാടനം നിർവ്വഹിച്ചു.ഗ്രാമപഞ്ചായത്തംഗങ്ങളുടെയും കുടുംബശ്രീ പവർത്തകരുടെയുമൊക്കെ വിവിധ കലാപരിപാടികൾ അരങ്ങേറി. സി ഡി എസ് ചെയർപേഴ്സൺ സ്മിതാ സാബു അദ്ധ്യക്ഷത വഹിച്ചു.ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ ബി ജോൺസൻ പ്രസംഗിച്ചു.ഗാമപഞ്ചായത്തംഗം അഖിൽ,സി.ഡി.എസ് വൈസ്‌ചെയർപേഴ്സൺ ജനിത രതീഷ്, എ കെ ജി ലൈബ്രറി സെക്രട്ടറി രവീന്ദ്രൻ തുടങ്ങിയവർ സംബന്ധിച്ചു.