അടിമാലി: കേരള സ്‌കൂൾ ടീച്ചേഴ്‌സ് ഫ്രണ്ട് സംസ്ഥാന ക്യാമ്പ് 28, 29 തിയതികളിലായി മാങ്കുളം ആനക്കളത്ത് നടക്കും. 28ന് ഉച്ചകഴിഞ്ഞ് രണ്ടിന് ആരംഭിക്കുന്ന ക്യാമ്പ് ജനാധിപത്യ കേരള കോൺഗ്രസ് സംസ്ഥാന ജനറൽ സെക്രട്ടറി ജോർജ് അഗസ്റ്റിൻ ഉദ്ഘാടനം ചെയ്യും. കെ എസ് ടി എഫ് സംസ്ഥാന ജനറൽ സെക്രട്ടറി പി എം മുഹമ്മദാലി അദ്ധ്യക്ഷത വഹിക്കുന്ന യോഗത്തിൽ ജെ.കെ.സി. ജില്ലാ പ്രസിഡന്റ് സിബി മൂലേപ്പറമ്പിൽ മുഖ്യ പ്രഭാഷണം നടത്തും. 29ന് ഉച്ച കഴിഞ്ഞ് 3.30ന് നടക്കുന്ന സമാപന സമ്മേളനം മുൻ എം. എൽ.എ അഡ്വ. പി.സി.ജോസഫ് ഉദ്ഘാടനം ചെയ്യും. കെ.എസ്.ടി.എഫ്. സംസ്ഥാന പ്രസിഡന്റ് എം. കെ. ബിജു അദ്ധ്യക്ഷത വഹിക്കുന്ന യോഗത്തിൽ മെറ്റൽഫൈഡ് ചെയർമാൻ ഫ്രാൻസിസ് തോമസ് മുഖ്യ പ്രഭാഷണം നടത്തും.യോഗത്തിൽ എസ്. എസ്. എൽ. സി, പ്ലസ് ടു പരീക്ഷകളിൽ ഉന്നത വിജയം നേടിയവരെ ആദരിക്കും. ജെയിംസ് കുര്യൻ, ഡോ. റോബിൻ പി. മാത്യു, മിഥുൻ സാഗർ, ജെയിംസ് സേവ്യർ, ജോസഫ് വർഗീസ്, ജെ. ആർ. സാലു, എം. അനുനാഥ്, വി. എം.ജോസഫ്, ജോഷി ഫ്രാൻസിസ് തുടങ്ങിയവർ സംസാരിക്കും. ജോമോൻ ജോസ്, സജി ചെറിയാൻ, ജെബി തോമസ്, മനു ജോസഫ്,കോശി എബ്രഹാം, ഹസീബ് ഒ.പി, ഐസ്വിൻ, അമ്പിളി മോഹനൻ തുടങ്ങിയവർ പങ്കെടുക്കും