കട്ടപ്പന :സംസ്ഥാന സർക്കാരിന്റെ ഈ വർഷത്തെ പ്രൊഫഷണൽ നാടക മത്സരത്തിലെ വിജയികളെ പ്രഖ്യാപിച്ചപ്പോൾ കട്ടപ്പന സ്വദേശി കെ.സി ജോർജിന് മികച്ച നാടക രചയിതാവിനുള്ള അവാർഡ് . കായംകുളം ദേവ കമ്മ്യൂണക്കേഷൻസിന്റെ ചന്ദ്രികാ വസന്തം എന്ന നാടകത്തിലൂടെയാണ് കെ സി ജോർജ് മികച്ച നാടകകൃത്തായി തിരഞ്ഞെടുക്കപ്പെട്ടത്.ഇത് രണ്ടാംതവണയാണ് അവാർഡ് ലഭിക്കുന്നത്.

സ്‌കൂൾ പഠനകാലത്താണ് ജോർജ് നാടക രംഗത്ത് എത്തുന്നത്. നടനായാണ് അരങ്ങേറ്റം. പിന്നീട് സുഹൃത്തുക്കളുമായി ചേർന്ന് ഹൈസ എന്ന അമ്ച്വർ നാടക സമിതിക്ക് രൂപം നൽകി. ഈയിടെ അന്തരിച്ച നാടകനടൻ എം സി കട്ടപ്പനയാണ് നാടകത്തിന്റെ ആദ്യപാഠങ്ങൾ പകർന്നു നൽകിയത്. .2005ൽ ഓച്ചിറ സരിഗയുടെ അതിരുകളില്ലാത്ത ആകാശം എന്ന നാടകത്തിലൂടെയാണ് പ്രൊഫഷണൽ നാടക രംഗത്ത് എത്തുന്നത്. 2010ൽ കോഴക്കോട് സാഗർ കമ്മ്യൂണിസ്റ്റേഷന്റെ കുമാരൻ ഒരു കുടുംബ നാഥൻ എന്ന നാടകത്തിലൂടെ മികച്ച നാടകകൃത്തിനുള്ള സംസ്ഥാന അവാർഡ് കരസ്ഥമാക്കിയിരുന്നു.

വിവിധ ചാനലുകളിലായി സീരിയലുകൾക്കും കഥ എഴുതിവരുന്നു. ഭാര്യ ബീന. മക്കൾ ജറോം,ജറിറ്റ്‌