കാഞ്ഞങ്ങാട് :കേരള വ്യാപാരി വ്യവസായി ഏകോപന സമിതി മാവുങ്കാൽ യൂണിറ്റ് വാർഷിക ജനറൽ ബോഡി യോഗവും 2024-26 വർഷത്തെ ഭാരവാഹി തെരഞ്ഞെടുപ്പും മാവുങ്കാൽ വ്യാപാരഭവനിൽ .സംസ്ഥാന വൈസ് പ്രസിഡന്റും ജില്ലാ പ്രസിഡന്റുമായ അഹമ്മദ് ഷെരീഫ് ഉദ്ഘാടനം ചെയ്തു. യൂണിറ്റ് പ്രസിഡന്റ് ആർ.ലോഹിതാക്ഷൻ അദ്ധ്യക്ഷത വഹിച്ചു. എ.വി.ബാലൻ വരവുചിലവ് കണക്ക് അവതരിപ്പിച്ചു. എസ്.എസ്.എൽ.സി, പ്ലസ് ടു ഉന്നത വിജയികളെ ചടങ്ങിൽ ആദരിച്ചു. ജില്ലാ ജനറൽ സെക്രട്ടറി കെ.ജെ.സജി മുഖ്യ പ്രഭാഷണം നടത്തി.ഹംസ പാലക്കി പ്രസംഗിച്ചു.പുതിയ ഭാരവാഹികളായി വി.കെ.ഉണ്ണികൃഷ്ണൻ (പ്രസിഡന്റ്), എം.ജുകേഷ് (ജനറൽ സെക്രട്ടറി), ടി.കെ.രാജേഷ് (ട്രഷറർ) എന്നിവരെ തിരഞ്ഞെടുത്തു. വി.കെ.ഉണ്ണിക്കൃഷ്ണൻ സ്വാഗതവും എം.ജൂഗേഷ് നന്ദിയും പറഞ്ഞു.