കോട്ടയം : പള്ളം ബ്ലോക്ക് പഞ്ചായത്തിനു കീഴിൽ പ്രവർത്തിച്ചു വരുന്ന ചാന്നാനിക്കാട് വയോജന വേദിയുടെ വാർഷിക സമ്മേളനം പ്രസിഡന്റ് ഡോ. ടി. എൻ. പരമേശ്വരക്കുറുപ്പിന്റെ അദ്ധ്യക്ഷതയിൽ നടന്നു. പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊഫ. ടോമിച്ചൻ ജോസഫ് ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ പി.കെ.വൈശാഖ് മുഖ്യപ്രഭാഷണം നടത്തി. പനച്ചിക്കാട് പഞ്ചായത്ത് മെമ്പർ എൻ.കെ.കേശവൻ, വയോജന വേദി സെക്രട്ടറി സി. കെ.മോഹനൻ, ജോ.സെക്രട്ടറി ഭുവനേശ്വരിയമ്മ, ട്രഷറർ പി.പി.നാണപ്പൻ, കെ.ദേവകി തുടങ്ങിയവർ പ്രസംഗിച്ചു. ഭാരവാഹികളായി ഡോ. ടി. എൻ. പരമേശ്വരക്കുറുപ്പ് പ്രസിഡന്റ്, പി.സി.ഉപ്പായി വൈസ് പ്രസിഡന്റ്, സി.കെ. മോഹനൻ സെക്രട്ടറി, ഭുവനേശ്വരി അമ്മ ജോ. സെക്രട്ടറി, പി. പി. നാണപ്പൻ ട്രഷറർ എന്നിവരെ തിരഞ്ഞെടുത്തു.