ചങ്ങനാശ്ശേരി : ബൈപ്പാസ് റോഡിൽ യുവതിയോട് അപമര്യാദയായി പെരുമാറിയ കേസിൽ ഒരാളെ പൊലീസ് അറസ്റ്റ് ചെയ്തു. തൃക്കൊടിത്താനം മുക്കാട്ടുപടി ഭാഗത്ത് ഉഷസ് ഭവനിൽ അരുൺ എസ്. ദാസ് (43)നെയാണ് ചങ്ങനാശേരി പൊലീസ് അറസ്റ്റ് ചെയ്തത്. ബൈപ്പാസ് റോഡിൽ പാലാത്ര ഭാഗത്തുള്ള റസ്റ്റോറന്റിൽ ഭക്ഷണം ഓർഡർ ചെയ്ത ശേഷം സ്‌കൂട്ടറിൽ ഇരിക്കുകയായിരുന്ന യുവതിയുടെ നേരെ ലൈംഗികാതിക്രമത്തിന് ശ്രമിക്കുകയായിരുന്നു. ചങ്ങനാശേരി സ്റ്റേഷൻ എസ്.ഐ ജയകൃഷ്ണൻ, ജോർജ് പി.വി എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.