കുമരകം : എസ്.എൻ.ഡി.പി യോഗം 155 ാം കുമരകം പടിഞ്ഞാറ് ശാഖയിലെ ഗുരുധർമ്മം കുടുംബയോഗത്തിന്റെ 10-മത് വാർഷികം 12ന് നൂറിൽ ദിനേശന്റെ വസതിയിൽ നടക്കും. രാവിലെ 9ന് കൺവീനർ പുഷ്പാംഗതൻ കുന്നപ്പള്ളി പതാക ഉയർത്തും. തുടർന്ന് ഈശ്വരപ്രാർത്ഥന. 9.30ന് കലാമത്സരങ്ങൾ. രാവിലെ 11.30ന് മുഖ്യപ്രഭാഷണം (സന്തോഷ്‌ കണ്ണങ്കേരി, കോട്ടയം), 1.30ന് കായിക മത്സരങ്ങൾ. ശാഖ പ്രസിഡന്റ്‌ എസ്.ഡി പ്രസാദിന്റെ അദ്ധ്യക്ഷതയിൽ വൈകിട്ട് 4ന് നടക്കുന്ന സമ്മേളനം എസ്.കെ.എം ദേവസ്വം പ്രസിഡന്റ്‌ എ.കെ ജയപ്രകാശ് ഉദ്ഘാടനം ചെയ്യും. ശാഖ സെക്രട്ടറി കെ.കെ ജോഷിമോൻ മുഖ്യപ്രഭാഷണം നടത്തും. കൺവീനർ കണക്കും റിപ്പോർട്ടും അവതരിപ്പിക്കും. ശാഖ വൈസ് പ്രസിഡന്റ്‌ കെ.ആർ കുഞ്ഞുമോൻ ആശംസ നേരും. തുടർന്ന് സമ്മാനദാനം. കൺവീനർ പുഷ്പാംഗതൻ കുന്നപ്പള്ളി സ്വാഗതവും, കെ.ജി സന്തോഷ്‌ നൂറിൽ നന്ദിയും പറയും. വൈകിട്ട് 5ന് കലാപരിപാടികൾ.