മുണ്ടക്കയം : ജോൺ ജോസഫ് മർഫിയുടെ 67 -ാമത് ചരമവാർഷികത്തോടനുബന്ധിച്ച് കേരള ലാറ്റിൻ കാത്തലിക്ക് അസോസിയേഷൻ സ്മരണാസമ്മേളനം നടത്തി. കേരള ലാറ്റിൻ കാത്തലിക്ക് അസോസിയേഷൻ വിജയപുരം രൂപതാ പ്രസിഡന്റ് എബി കുന്നേപറമ്പിൽ ഉദ്ഘാടനം ചെയ്തു. വികാരി ഫാ. ടോം ജോസ് അദ്ധ്യക്ഷതവഹിച്ചു. കേരളാ പ്ലാന്റേഷൻ കോർപ്പറഷൻ ചെയർമാൻ ഒ.പി.എ.സലാം മുഖ്യപ്രഭാഷണം നടത്തി. ഇടവകസമിതി സെക്രട്ടറി റെജി ചാക്കോ പുത്തൻപുരയ്ക്കൽ, അഡ്വ.റെമിൻ രാജൻ, റോയി കപ്പലുമാക്കൽ, എന്നിവർ സംസാരിച്ചു. തുടർന്ന് കെ.എൽ.സി.എ, കെ.സി.വൈ.എം പ്രവർത്തകർ വാഹന റാലിയായി മർഫിയുടെ സ്മൃതി മണ്ഡപമായ ഏന്തയാറിലെ മാത്തുമലയിലെത്തി പ്രാർത്ഥന നടത്തി.