കോട്ടയം : ഉഴവൂർ സബ് റീജണൽ ട്രാൻസ്‌പോർട്ട് ഓഫീസിനു പരിധിയിൽ വരുന്ന സ്‌കൂൾ, കോളേജ് വാഹനങ്ങളും 22 ന് സുരക്ഷ പരിശോധനയ്ക്ക് ഹാജരാക്കണമെന്ന് ആർ.ടി.ഒ അറിയിച്ചു. കുര്യനാട് സെന്റ് ആൻസ് ഹയർ സെക്കൻഡറി സ്‌കൂളിൽ രാവിലെ എട്ട് മുതലാണ് പരിശോധന.

പരിശോധന വിജയകരമായി പൂർത്തിയാക്കുന്ന വാഹനങ്ങൾക്ക് മോട്ടോർ വാഹന വകുപ്പിന്റെ സുരക്ഷാ ലേബൽ പതിക്കും. ലേബൽ പതിപ്പിക്കാത്ത സ്‌കൂൾ വാഹനങ്ങൾ ജൂൺ ഒന്ന് മുതൽ സർവീസ് നടത്താൻ അനുവദിക്കില്ല. വിദ്യാഭ്യാസസ്ഥാപനങ്ങളുടെ വാഹനം ഓടിക്കുന്ന ഡ്രൈവർമാർക്ക് 25 ന് രാവിലെ എട്ടിന് കുര്യനാട് ചാവറ ഹിൽസ് സി.എം.ഐ പബ്ലിക് സ്‌കൂളിൽ വച്ച് ബോധവത്ക്കരണക്ലാസ് സംഘടിപ്പിക്കുമെന്നും എല്ലാ വിദ്യാഭ്യാസസ്ഥാപനങ്ങളുടെയും ഡ്രൈവർമാർ പങ്കെടുക്കേണ്ടതാണെന്നും ജോയിന്റ് ആർ.ടി.ഒ. അറിയിച്ചു. ഫോൺ : 04822 249967.