പാലാ: ക്ഷേത്ര വാദ്യ കലാകാരന്മാരുടെ കൂട്ടായ്മയായ ഭരണങ്ങാനം ശ്രീകൃഷ്ണ വാദ്യകലാപീഠം വർഷംതോറും നൽകിവരുന്ന വാദ്യപ്രജാപതി പുരസ്‌കാരം ഈ വർഷം പേരൂർ സുരേഷിന് നൽകി ആദരിക്കും. ജൂൺ 16ന് ഇടമറ്റം ഓശാന മൗണ്ടിൽ നടക്കുന്ന ശ്രീകൃഷ്ണ വാദ്യ കലാപീഠത്തിന്റെ വാർഷിക പൊതുയോഗത്തിൽ സാഹിത്യകാരനും നിരൂപകനുമായ മനോജ് കുറൂർ പുരസ്‌കാരം കൈമാറും. മദ്ധ്യ കേരളത്തിലെ പ്രമുഖ ചെണ്ടമേള പ്രമാണിയായ ഇദ്ദേഹത്തെ വാദ്യ കലാകാരന്മാരുടെ വോട്ടിംഗിലൂടെയാണ് തിരഞ്ഞെടുത്തത്.