മുട്ടം: മലങ്കര അണക്കെട്ടിന്റെ തീരത്ത് മാത്തപ്പാറ, അമ്പാട്ട് കോളനി ഭാഗങ്ങളിൽ എം.വി.ഐ.പിയുടെ ഭൂമിയിലുള്ള മരങ്ങൾ കടപുഴകി വീണ് അപകടങ്ങൾ പതിവാകുന്നു. ആറാട്ട് കടവിന് സമീപത്ത് ഏതാനും ദിവസങ്ങൾക്ക് മുമ്പ് രണ്ട് വൻ മരങ്ങളാണ് നിലംപതിച്ചത്. ഐ.എച്ച്.ഡി.പിക്ക് സമീപം മോട്ടോർ പുരയുടെ മുകളിലേക്ക് വലിയ വാകമരം വീണത്. രണ്ട് കോളനി പ്രദേശത്തെ നൂറു കണക്കിന് പേർ നിത്യവും സഞ്ചരിക്കുന്ന പാതയോട് ചേർന്നാണ് മരങ്ങൾ കടപുഴകിയത്. മരങ്ങളുടെ അപകടാവസ്ഥ പരിഹരിക്കാൻ എം.വി.ഐ.പി അധികൃതർ നടപടി സ്വീകരിക്കണമെന്നാണ് ആവശ്യം.