ചെന്നൈ:ആൺകുട്ടികൾക്കും പെൺകുട്ടികൾക്കുമായി റസിഡൻഷ്യൽ ഫുട്ബാൾ സ്കൂളുമായി​ ഗോകുലം എഫ്‌.സി. എട്ട് മുതൽ 17 വയസ്സ് വരെയാണ് ഫുട്ബോൾ താരങ്ങളുടെ പ്രായം. ഇന്ത്യൻ ഫുട്ബാളി​ലെ യുവപ്രതി​ഭകളെ വളർത്തി​യെടുക്കുകയെന്ന ലക്ഷ്യവുമായാണ് സ്കൂൾ ആരംഭി​ക്കുന്നതെന്നും ചെന്നൈയിൽ അടിസ്ഥാന സൗകര്യങ്ങൾ വികസിപ്പിച്ചിട്ടുണ്ടെന്നും അധി​കൃതർ പറഞ്ഞു. ദേശീയ തലത്തി​ൽ തങ്ങളുടെ വി​വി​ധ പ്രായവി​ഭാഗങ്ങളി​ൽ മത്സരങ്ങളി​ൽ പങ്കെടുക്കാൻ അവസരം ലഭി​​ക്കുമെന്നതാണ് കളി​ക്കാർക്ക് ലഭി​ക്കുന്ന പ്രധാന പ്രയോജനം. അന്താരാഷ്ട്ര തലത്തി​ൽ മത്സരങ്ങളി​ലും പരിശീലനങ്ങളി​ലും അവസരങ്ങൾ ലഭി​ക്കും. യുവ താരങ്ങൾക്ക് തങ്ങളുടെ സ്വപ്നങ്ങൾ യാഥാർത്ഥ്യമാക്കുന്നതി​നുള്ള ഒരു പ്ളാറ്റ് ഫോം ഒരുക്കുകയാണ് ലക്ഷ്യമെന്ന് ക്ലബ് പ്രസിഡൻ്റ് വി.സി പ്രവീൺ പറഞ്ഞു. യുവ താരങ്ങളെ മാത്രമല്ല, ഇന്ത്യൻ ഫുട്ബാളി​ന് തന്നെ മി​കച്ച സംഭാവനകൾ നൽകാൻ ശേഷി​യുള്ള വ്യക്തി​കളെ വളർത്തി​യെടുക്കുകയും ലക്ഷ്യമി​ടുന്നു. അദ്ദേഹം പറഞ്ഞു.