കോശിച്ചായന്റെ പറമ്പ് എന്ന ചിത്രത്തിന് ശേഷം സാജിർ സദഫ് സംവിധാനം ചെയ്ത് കൃഷ്ണശങ്കർ, കിച്ചു ടെല്ലസ്, സുധി കോപ്പ എന്നിവർ പ്രധാന വേഷത്തിൽ എത്തുന്ന പട്ടാപ്പകൽ ജൂൺ 28ന് റിലീസ് ചെയ്യും. രമേഷ് പിഷാരടി, ജോണി ആന്റണി, ഗോകുലൻ, ഫ്രാങ്കോ ഫ്രാൻസിസ്, പ്രശാന്ത് മുരളി, വിനീത് തട്ടിൽ, രഞ്ജിത്ത് കൊങ്കൽ, രഘുനാഥ്, നന്ദൻ ഉണ്ണി, ഡോ.രജത് കുമാർ, ഗീതി സംഗീത, ആമിന, സന്ധ്യ തുടങ്ങിയവരാണ് മറ്റ് താരങ്ങൾ. കോമഡി ഗണത്തിൽപ്പെടുന്ന ചിത്രത്തിന്റെ തിരക്കഥ പി.എസ് അർജുനാണ്. കണ്ണൻ പട്ടേരിയാണ് ഛായാഗ്രഹണം. ഗാനങ്ങൾ മനു മഞ്ജിത്ത്, സംഗീതം ഷാൻ റഹ്മാൻ.ശ്രീ നന്ദനം ഫിലിംസിന്റെ ബാനറിൽ എൻ. നന്ദകുമാർ ആണ് നിർമ്മാണം. പി.ആർ.ഒ: പി.ശിവപ്രസാദ്.