റാഞ്ചി: മന്ത്രിയുടെ പഴ്‌സണല്‍ സ്റ്റാഫിന്റെ വീട്ടുജോലിക്കാരനില്‍ നിന്ന് പിടികൂടിയത് കണക്കില്‍പ്പെടാത്ത കോടികള്‍. ജാര്‍ഖണ്ഡിലെ വിവിധ സ്ഥലങ്ങളില്‍ എന്‍ഫോഴ്‌സ്‌മെന്റ് ഡയറക്ടറേറ്റ് നടത്തിയ പരിശോധനയിലാണ് കണക്കില്‍പ്പെടാത്ത കോടികള്‍ പിടിച്ചെടുത്തത്. തിങ്കളാഴ്ച രാവിലെയാണ് സംസ്ഥാനത്തിന്റെ വിവിധ ഭാഗങ്ങളില്‍ നിന്ന് പണം പിടികൂടിയത്.
ഗ്രാമവികസന മന്ത്രി അലംഗീര്‍ ആലമിന്റെ പഴ്‌സണല്‍ സെക്രട്ടറി സഞ്ജീവ് ലാലിന്റെ വീട്ടുജോലിക്കാരനില്‍ നിന്നാണ് പണം പിടികൂടിയത്. കണക്കില്‍പ്പെടാത്ത 20 കോടിയിലധികം രൂപ ഇ.ഡി പിടിച്ചെടുത്തതായിട്ടാണ് വിവരം. വീരേന്ദ്ര റാം കേസുമായി ബന്ധപ്പെട്ടാണ് സംസ്ഥാനത്ത് ഇ.ഡി നടപടി.
2023 ഫെബ്രുവരിയില്‍ ജാര്‍ഖണ്ഡ് ഗ്രാമവികസ വകുപ്പിലെ ചീഫ് എഞ്ചിനിയര്‍ വിരേന്ദ്ര കെ. റാമിനെ കള്ളപ്പണക്കേസുമായി ബന്ധപ്പെട്ട് ഇ.ഡി. അറസ്റ്റ് ചെയ്തിരുന്നു. സംസ്ഥാനത്ത് ചില പദ്ധതികള്‍ നടപ്പാക്കുന്നതുമായി ബന്ധപ്പെട്ട ക്രമക്കേടുകളെ തുടര്‍ന്നായിരുന്നു അറസ്റ്റ്.
മന്ത്രിയുടെ പഴ്‌സണല്‍ സ്റ്റാഫിന്റെ വീട്ടില്‍ എങ്ങനെ ഇത്രയും പണം എത്തിയെന്നും ഈ വിഷയത്തില്‍ പഴ്‌സണല്‍ സ്റ്റാഫിനേയും ആവശ്യമെങ്കില്‍ മന്ത്രിയേയും ചോദ്യം ചെയ്യാനും തയ്യാറെടുക്കുകയാണ് എന്‍ഫോഴ്‌സമെന്റ് ഡയറക്ടറേറ്റ്.
#WATCH | The Enforcement Directorate is conducting raids at multiple locations in Ranchi. Huge amount of cash recovered from household help of Sanjiv Lal - PS to Jharkhand Rural Development minister Alamgir Alam, in Virendra Ram case.
— ANI (@ANI) May 6, 2024
ED arrested Virendra K. Ram, the chief... pic.twitter.com/VTpUKBOPE7