തിരുവനന്തപുരം: കേരളത്തിലെ വന്ദേഭാരത് ട്രെയിനായ തിരുവനന്തപുരം - മംഗളൂരു എക്‌സ്‌പ്രെസിന്റെ (20632) സമയക്രമത്തില്‍ മാറ്റം വരുത്തി റെയില്‍വേ. വൈകുന്നേരം 4.05ന് തിരുവനന്തപുരത്ത് നിന്ന് പുറപ്പെടുന്ന ട്രെയിനിന്റെ സമയത്തിലാണ് മാറ്റം വരുത്തിയിട്ടുള്ളത്.

എറണാകുളം ജംഗ്ഷന്‍, തൃശൂര്‍, ഷൊര്‍ണൂര്‍, തിരൂര്‍, കോഴിക്കോട്, കണ്ണൂര്‍, കാസര്‍കോട് സ്‌റ്റേഷനുകളില്‍ എത്തിച്ചേരുന്ന സമയമാണ് മാറുന്നത്. മേയ് 13 മുതല്‍ പുതിയ സമയക്രമം പ്രാബല്യത്തില്‍ വരും.

സ്റ്റേഷന്‍ - എത്തിച്ചേരുന്ന സമയം - പുറപ്പെടുന്ന സമയം എന്ന ക്രമത്തില്‍ (പുതുക്കിയ സമയം)

എറണാകുളം ജംഗ്ഷന്‍ 6.42 - 6.45
തൃശ്ശൂര്‍ 7.56 - 7.58
ഷൊര്‍ണൂര്‍ 8.30 - 8.32
തിരൂര്‍ 9.02 - 9.04
കോഴിക്കോട് 9.32 - 9.34
കണ്ണൂര്‍ 10.36 - 10.38
കാസര്‍കോട് 11.46 - 11.48