ബംഗളൂരു: ബംഗളൂരുവിലെ സോളദേവനഹള്ളിയിൽ ഫ്ലാറ്റിൽ കയറി തോക്ക് ചൂണ്ടി കവർച്ച നടത്തിയ നാല് മലയാളി യുവാക്കൾ അറസ്റ്റിൽ. പ്രമോദ്, ദീപക്, അനന്തകൃഷ്ണൻ, ആദർശ് എന്നിവരാണ് അറസ്റ്റിലായത്. സി.ബി.ഐ ഉദ്യോഗസ്ഥരാണെന്ന വ്യാജേനയാണ് ഇവർ ഫ്ലാറ്റിൽ കയറിയത്. ഫ്ലാറ്റിലുണ്ടായിരുന്ന 90,​000 രൂപ കവർന്നു. തമിഴ്നാട്ടിലേക്ക് കടക്കാനുള്ള ശ്രമത്തിനിടെയാണ് പ്രതികളെ പിടികൂടിയത്. വിദ്യാ‍ർത്ഥികളെയാണ് ഇവർ ഫ്ലാറ്റിൽ കയറി ഭീഷണിപ്പെടുത്തിയത്.