കാലിഫോർണിയ: തെറ്റാലി ഉപയോഗിച്ച് അയൽവാസികളുടെ വീടിനും വസ്തുവകകൾക്കുമെതിരെ നിരന്തര ആക്രമണം നടത്തിയ 81കാരനെ അറസ്റ്റിൽ. പത്തുവർഷത്തെ ആക്രമണമാണ് ഇതോടെ നിന്നത്. ബോൾ ബെയറിംഗ് അടക്കമുള്ളവ ഉപയോഗിച്ചായിരുന്നു ആക്രമണം. പന്ത്രണ്ടിലധികം വീടുകളുടെ ജനലുകളും വീട്ടുപകരണങ്ങളും ഇയാളുടെ തെറ്റാലി പ്രയോഗത്തിൽ തകർത്തത്. ഇതോടെ നാട്ടുക്കാർ പൊലീസിൽ പരാതിപ്പെടുകയായിരുന്നു.

പ്രിൻസ് കിംഗ് എന്നയാളാണ് അറസ്റ്റിലായത്. എന്നാൽ താൻ കുറ്റം ഒന്നും ചെയ്തിട്ടില്ലെന്നാണ് ഇയാൾ കോടതിയിൽ വാദിച്ചത്. എന്നാൽ ഇയാളുടെ വീട്ടിൽ നിന്ന് കണ്ടെത്തിയ തെറ്റാലികളും ബോർ ബെയറിംഗും കണ്ടെത്തിയതോടെ 81 കാരന്റെ വാദം തള്ളുകയായിരുന്നു. എന്നാൽ ഇത്തരം ഒരു ആക്രമണം നടത്താനുള്ള കാരണമെന്താണെന്ന് ഇനിയും വ്യക്തത കിട്ടിയിട്ടില്ലെന്ന് പൊലീസ് വിശദമാക്കി. പൊതുജനങ്ങൾക്ക് ശല്യമുണ്ടാക്കിയതിനും വസ്തു വകകൾ നശിപ്പിച്ചതിനുമാണ് ഇയാൾക്കെതിരെ കേസ് എടുത്തിരിക്കുന്നത്. ജാമ്യമില്ലാ വകുപ്പുകൾക്കാണ് കേസ് എടുത്തിരിക്കുന്നത്.