മലപ്പുറം: ഹജ്ജ് തീർത്ഥാടകരുടെ ആദ്യ സംഘം 21ന് പുലർച്ച കോഴിക്കോട് വിമാനത്താവളത്തിൽ നിന്ന് പുറപ്പെടും.കണ്ണൂർ,​കോഴിക്കോട്,​ കൊച്ചി എന്നിവിടങ്ങളിലെ വിമാന സർവീസുകളുടെ പട്ടിക തയ്യാറായിട്ടില്ല.അന്തിമ ഷെഡ്യൂൾ രണ്ട് ദിവസത്തിനകം പ്രഖ്യാപിക്കും.തുടർന്ന് ഓരോ വിമാനത്തിലെയും തീർത്ഥാടകരെ തിരഞ്ഞെടുക്കും.ഒരാഴ്ചയ്ക്കുള്ളിൽ നടപടികൾ പൂർത്തിയാക്കി തീർത്ഥാടകരെ വിവരമറിയിക്കും.

കേരളത്തിൽ നിന്ന് 17,771 ഹജ്ജ് തീർത്ഥാടകരുണ്ട്.കോഴിക്കോട് വിമാനത്താവളം വഴിയാണ് കൂടുതൽ പേർ 10,371,കൊച്ചി 4,​228,​കണ്ണൂർ 3,​112 തീർത്ഥാടകർ യാത്ര ചെയ്യും.കോഴിക്കോട് നിന്ന് എയർ ഇന്ത്യാ എക്സ്പ്രസും കണ്ണൂർ,കൊച്ചി എന്നിവിടങ്ങളിൽ നിന്ന് സൗദി എയർലൈൻസുമാണ് ഹജ്ജ് സർവീസ് നടത്തുക.വലിയ വിമാനങ്ങൾക്ക് വിലക്കുള്ളതിനാൽ കോഴിക്കോട് നിന്ന് ചെറുവിമാനങ്ങളാണ് സർവീസ് നടത്തുക. ദിവസം നാല് വിമാന സർവീസുകൾ ഉണ്ടാവും.