പത്തനംതിട്ട: മുൻ മുഖ്യമന്ത്രിയും കെ.പി.സി.സി പ്രസിഡന്റുമായിരുന്ന ആർ.ശങ്കർ കർമ്മധീരനും പുരോഗമനവാദിയുമായിരുന്ന ഭരണകർത്താവായിരുന്നു എന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ പറഞ്ഞു. ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ പത്തനംതിട്ട രാജീവ് ഭവനിൽ സംഘടിപ്പിച്ച ആർ.ശങ്കറിന്റെ നൂറ്റിപതിനഞ്ചാം ജന്മദിനാഘോഷ പരിപാടികൾ ഉദ്ഘാനം ചെയ്യുകയായിരുന്നു അദ്ദേഹം. വൈസ് പ്രസിഡന്റ് എ.സുരേഷ് കുമാർ അദ്ധ്യക്ഷത വഹിച്ചു. മുൻ എം.എൽ.എ മാലേത്ത് സരളാദേവി, യു.ഡി.എഫ് ജില്ലാ കൺവീനർ എ.ഷംസുദ്ദീൻ, ഡി.സി.സി ജനറൽ സെക്രട്ടറിമാരായ സാമുവൽ കിഴക്കുപുറം, കെ.ജാസിംകുട്ടി, റോജിപോൾ ഡാനിയേൽ, എം.ആർ.ഉണ്ണികൃഷ്ണൻ നായർ, യൂത്ത് കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ട, മണ്ഡലം കോൺഗ്രസ് പ്രസിഡന്റുമാരായ നാസർ തോണ്ടമണ്ണിൽ, അനിൽ കൊച്ചുമൂഴിക്കൽ, കോൺഗ്രസ് മുൻ ബ്ലോക്ക് പ്രസിഡന്റ് അബ്ദുൾകലാം ആസാദ്, ഐ.എൻ.ടി.യു.സി നിയോജക മണ്ഡലം പ്രസിഡന്റ് അജിത് മണ്ണിൽ എന്നിവർ പ്രസംഗിച്ചു.