തിരുവല്ല: എസ്.എൻ.ഡി.പി.യോഗം 4538-ാം ആർ.ശങ്കർ മെമ്മോറിയൽ കുന്നന്താനം ഈസ്റ്റ് ശാഖയുടെ ശ്രീനാരായണ ഗുരുദേവ ക്ഷേത്രത്തിലെ പ്രതിഷ്ഠാ വാർഷിക മഹോത്സവം ഇന്ന് സമാപിക്കും. പ്രതിഷ്ഠാ വാർഷിക ദിനമായ ഇന്ന് രാവിലെ വിശേഷാൽ പൂജകൾക്ക് ശേഷം അഷ്ടദ്രവ്യ മഹാഗണപതിഹോമം. 8.30ന് കലശപൂജ, 10ന് കലശാഭിഷേകം എന്നിവയ്ക്ക് തന്ത്രി പെരുന്ന സന്തോഷ് തന്ത്രിയും മേൽശാന്തി സനൽശാന്തിയും മുഖ്യകാർമ്മികത്വം വഹിക്കും. ഉച്ചയ്ക്ക് 1.30ന് സമൂഹസദ്യ. വൈകിട്ട് 6ന് താലപ്പൊലി രഥഘോഷയാത്ര യൂണിയൻ പ്രസിഡന്റ് ബിജു ഇരവിപേരൂർ, യൂണിയൻ സെക്രട്ടറി അനിൽ എസ്. ഉഴത്തിൽ, യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എന്നിവർ ചേർന്ന് ഭദ്രദീപം തെളിക്കും. മുക്കൂർ പ്രാർത്ഥനാ മണ്ഡപത്തിൽ നിന്ന് പുളിന്താനം, പൊയ്കയിൽ മേവശം വഴി വാദ്യമേളഘോഷങ്ങളുടെ അകമ്പടിയോടെ രഥഘോഷയാത്ര ക്ഷേത്രത്തിൽ എത്തിച്ചേരും. തുടർന്ന് സമൂഹപ്രാർത്ഥന, കൊടിയിറക്കൽ, മഹാഗുരുപൂജ. ശാഖാ പ്രസിഡന്റ് ബിജീഷ് വിജയൻ, വൈസ് പ്രസിഡന്റ് പി.എം.ഗോപിനാഥൻ, സെക്രട്ടറി സദാനന്ദപ്പണിക്കർ പി.കെ, യൂണിയൻ കമ്മിറ്റിയംഗം സി.പി.കൃഷ്‌ണൻ എന്നിവർ നേതൃത്വം നൽകും.