പന്തളം: ഭൂമിയിൽ സമാനതകളില്ലാത്ത സവിശേഷ വ്യക്തിത്വമാണ് ശ്രീനാരായണ ഗുരുദേവനെന്ന് എസ്.എൻ.ഡി.പി യോഗം പന്തളം യൂണിയൻ പ്രസിഡന്റ് അഡ്വ: സിനിൽ മുണ്ടപ്പള്ളി പറഞ്ഞു. എസ്.എൻ.ഡി.പി യോഗം മലമുകൾ ശാഖായോഗത്തിലെ ഇരുപത്തിയൊന്നാമത് പ്രതിഷ്ഠാ വാർഷിക ദിനാചരണവും മഹാസമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം . ശാഖായോഗം പ്രസിഡന്റ് രാജൻ ചിത്തിര അദ്ധ്യക്ഷത വഹിച്ചു. യൂണിയൻ സെക്രട്ടറി ഡോ.എ.വി. ആനന്ദരാജ് മുഖ്യ പ്രഭാഷണം നടത്തി. യൂണിയൻ കൗൺസിലർമാരായ എസ്. ആദർശ്, ഉദയൻ പാറ്റൂർ ,ശാഖ വൈസ് പ്രസിഡന്റ് പ്രകാശ് നടുവിലെ മുറി സെക്രട്ടറി ക്യാപ്ടൻ രാമചന്ദ്രൻ, വനിതാസംഘം നേതാവ് സൗദാമിനി എന്നിവർ സംസാരിച്ചു .ഗുരു ക്ഷേത്രത്തിൽ ഗുരു സുപ്രഭാതം, സമൂഹ പ്രാർത്ഥന ,ആത്മീയ പ്രഭാഷണം, അന്നദാനം ,ദീപാരാധന ,ദീപക്കാഴ്ച ,കഥാപ്രസംഗം എന്നിവയും നടന്നു .