കോന്നി: അട്ടച്ചാക്കൽ സെന്റ് ജോർജ് ഹൈസ്കൂളിലെ 1988 എസ്.എസ്.എൽ.സി വിദ്യാർത്ഥികളുടെ പൂർവ വിദ്യാർത്ഥി സംഘടനയായ സെന്റ് ജോർജ് 88 ജംഗ്ഷന്റെ രണ്ടാമത് വാർഷികവും എസ്.എസ്.എൽ.സി പരീക്ഷയിൽ സ്കൂളിൽനിന്ന് എല്ലാ വിഷയത്തിനും എ പ്ലസ് കരസ്ഥമാക്കിയ വിദ്യാർത്ഥികളെ ആദരിക്കലും ഇന്ന് 3 ന് സ്കൂൾ ഓഡിറ്റോറിയത്തിൽ നടക്കും. ദീപ്തി ചെല്ലപ്പൻ ഉദ്ഘാടനം ചെയ്യും. ജോൺസൺ വർഗീസ് അദ്ധ്യക്ഷത വഹിക്കും. സ്കൂൾ മാനേജർ ഫാ. പി.വൈ.ജെസൺ വിദ്യാർത്ഥികളെ അനുമോദിക്കും.