നാരങ്ങാനം: മറ്റുള്ളവരോടുള്ള കരുതലും സ്‌നേഹവുമാണ് ഗുരുദർശനത്തിന്റെ കാതലെന്ന് കോഴഞ്ചേരി യൂണിയൻ പ്രസിഡന്റ് കെ.എൻ.മോഹൻ ബാബു പറഞ്ഞു. എസ്.എൻ.ഡി.പി.യോഗം കോഴഞ്ചേരി യൂണിയന്റെയും അയിരൂർ ശ്രീ നാരായണ മിഷന്റെയും സംയുക്ത ആഭിമുഖ്യത്തിൽ നടന്ന കിഴക്കൻ മേഖല ശ്രീ നാരായണ കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. മറ്റുള്ളവരെ കേൾക്കുവാനും മാനിക്കുവാനും പഠിപ്പിക്കുന്നതിനാലാണ് ഗുരുദർശനത്തിന് പ്രസക്തിയേറുന്നതെന്നും അദ്ദേഹം പറഞ്ഞു. നാരങ്ങാനം 91 ാം ശാഖാ ഹാളിൽ നടന്ന സമ്മേളനത്തിൽ അയിരൂർ ശ്രീനാരായണ മിഷൻ പ്രസിഡന്റ് സി.എൻ.ബാബുരാജൻ അദ്ധ്യക്ഷത വഹിച്ചു. 91 ാം ശാഖാ വനിതാ സംഘം ഭക്തിഗാനസുധ അവതരിപ്പിച്ചു. യൂണിയൻ കമ്മിറ്റി അംഗം വി.എസ്.സനിൽ കുമാർ സ്വാഗതം പറഞ്ഞു. യൂണിയൻ വൈസ് പ്രസിഡന്റ് വിജയൻ കാക്കനാട്ടിൽ,യൂണിയൻ കൗൺസിലർമാരായ അഡ്വ.സോണി പി.ഭാസ്‌കർ ,പ്രേംകുമാർ മുളമൂട്ടിൽ 'വനിതാ സംഘം യൂണിയൻ പ്രസിഡന്റ് വിനീതാ അനിൽ ,യൂത്ത് മൂവ്‌മെന്റ് യൂണിയൻ സെക്രട്ടറി സോജൻ സോമൻ, ശ്രീനാരായണ മിഷൻ സെക്രട്ടറി കെ.എസ്.രാജേഷ്, എസ്.എൻ.ട്രസ്റ്റ് ബോർഡ് മെമ്പർ എസ്.ശ്രീകുമാർ എന്നിവർ സംസാരിച്ചു. തുടർന്ന് നിമിഷ ജിബിലാഷിന്റെ പ്രഭാഷണം നടന്നു.. ഉച്ചകഴിഞ്ഞ് 2മുതൽ കലാപരിപാടികളും നടന്നു. കോഴഞ്ചേരി യൂണിയനിലെ കിഴക്കൻ മേഖലയിൽ ഉൾപ്പെടുന്ന 91നാരങ്ങാനം: 403 തറഭാഗം, 6460 നാരങ്ങാനം തെക്ക്. 1227 കാട്ടൂർ, 5926 ചെറുകോൽ 152കാരം വേലി,647 കോഴഞ്ചേരി ,268 പരിയാരം, 6247 വരട്ടുചിറ ശാഖകൾ ചേർന്നാണ് പരിപാടി സംഘടിപ്പിച്ചത്.