പത്തനംതിട്ട : മഴ പെയ്തതോടെ പത്തനംതിട്ട നഗരത്തിലെ റോഡുകളിൽ യാത്ര ബുദ്ധിമുട്ടായി. വാട്ടർ അതോറിട്ടിയുടെ പൈപ്പ് സ്ഥാപിക്കാനെടുത്ത കുഴികളാണ് വിനയായത്. കുഴികളിൽ മഴവെള്ളം കെട്ടിക്കിടക്കുകയാണ്. പത്തനംതിട്ട ജനറൽ ആശുപത്രിക്ക് മുന്നിലെ റോഡിലൂടെ നടക്കുന്നവർ വലിയ കുഴിയിൽ വീഴാൻ സാദ്ധ്യതയുണ്ട്. സെന്റ് മേരീസ് സ്കൂളിലേക്കുള്ള റോഡിലെ ഓടയിൽ നിന്ന് വെള്ളം പുറത്തേക്കൊഴുകുകയാണ്. ചെളിയും റോഡിലെ കുഴിയും കാരണം വാഹനങ്ങൾ ഏറെ ബുദ്ധിമുട്ടിയാണ് കടന്നുപോകുന്നത്. വാട്ടർ അതോറിട്ടിയുടെ പൈപ്പിടലിനെ തുടർന്ന് മണ്ണിട്ട് ഉറപ്പിച്ച ഭാഗമാണ് ചെളിക്കുളമായത്.