കൂടൽ : പുനലൂർ - മുവാറ്റുപുഴ സംസ്ഥാന പാതയിലെ കൂടൽ ജംഗ്ഷനിൽ നിന്ന് മാർക്കറ്റിലേക്ക് കയറുന്ന ഇടവഴിയിലെ ഇരുചക്ര വാഹന പാർക്കിംഗ് വലി​യ വാഹനങ്ങൾക്ക് തടസമാകുന്നു. പഞ്ചായത്തിന്റെ ഷോപ്പിംഗ് കോംപ്ലക്സ് കെട്ടിടത്തിന്റെ അടി​യി​ലൂടെയാണ് മാർക്കറ്റി​ലേക്കുള്ള പ്രവേശനപാതയുള്ളത്. വഴി​യുടെ ഇരുവശത്തും ഇരുചക്ര വാഹനങ്ങൾ പാർക്ക് ചെയ്യുന്നതി​നാൽ ലോഡ് കയറ്റി വരുന്ന വലിയ വാഹനങ്ങൾക്ക് മാർക്കറ്റിലേക്ക് കയറാനും തിരികെ പോകാനും ബുദ്ധിമുട്ട് സൃഷ്ടി​ക്കുന്നതാണ് പരാതി​ക്ക് കാരണം. ഇവിടെ വാഹനങ്ങൾ പാർക്ക് ചെയ്യരുതെന്ന ബോർഡ് പഞ്ചായത്ത് സ്ഥാപിച്ചിട്ടുണ്ടെങ്കി​ലും പലരും പതി​വായി​ അവഗണി​ക്കുകയാണ്.