പന്തളം : സ്‌കൂട്ടറിന് പിന്നിൽ ലോറിയിടിച്ച് പന്തളം മുടിയൂർക്കോണം തുണ്ടത്തിൽ ബഥേൽഭവനിൽ ടി.എം. ശാമുവലിന്റെ (പാപ്പച്ചൻ) ഭാര്യ വത്സമ്മ (61) മരിച്ചു. സ്‌കൂട്ടർ ഓടിച്ച മകൻ അത്ഭുതകരമായി രക്ഷപ്പെട്ടു. ഇന്നലെ ഉച്ചയ്ക്ക് 1.45 ന് മുട്ടാർ ജംഗ്ഷനിലായിരുന്നു അപകടം. മകൻ സാജനോടൊപ്പം പന്തളത്തേക്ക് വരികയായിരുന്നു വത്സമ്മ. ഇൗ സമയം പിന്നാലെ പന്തളം ഭാഗത്തേക്ക് വരികയായിരുന്ന ലോറി സ്‌കൂട്ടറിൽ ഇടിച്ചു . സ്കൂട്ടറിന് പിന്നിലിരുന്ന വത്സമ്മ ലോറിക്കടിയിലേക്കാണ് വീണത്. തൽക്ഷണം മരിച്ചു. മറ്റു മക്കൾ : സ്റ്റീഫൻ (ദുബായ്), സൗമ്യ (കുവൈറ്റ്). മരുമക്കൾ: ലിജു, നൗഫിയ (ദുബായ്). പന്തളം പൊലീസ് കേസെടുത്തു.