മാന്നാർ : എസ്.എൻ.ഡി.പി യോഗം ചെന്നിത്തല, ഗ്രാമം മേഖലാ വാർഷിക പൊതുയോഗവും ഭരണസമിതി തിരഞ്ഞെടുപ്പും നാളെ നടക്കും . ചെന്നിത്തല മേഖല വാർഷിക പൊതുയോഗം രാവിലെ 10ന് തൃപ്പരുന്തുറ 146ാം നമ്പർ ശാഖാഹാളിലും ഗ്രാമം മേഖലാ വാർഷിക പൊതുയോഗം ഉച്ചകഴിഞ്ഞ് 2.30 ന് 2708ാം കാരാഴ്മ കിഴക്ക് ശാഖാ ഹാളിലും നടക്കും. യൂണിയൻ ചെയർമാൻ കെ.എം ഹരിലാൽ ഉദ്ഘാടനംചെയ്യും. യൂണിയൻ കൺവീനർ അനിൽ.പി.ശ്രീരംഗം സംഘടനാ പ്രവർത്തനങ്ങൾ വിശദീകരിക്കും.
രാവിലെ 10ന് ചെന്നിത്തല മേഖല ചെയർമാൻ തമ്പി കൗണടിയിലിന്റെ അദ്ധ്യക്ഷതയിൽ കൂടുന്ന യോഗത്തിൽ യൂണിയൻ അഡ്.കമ്മിറ്റിയംഗങ്ങളായ പി .ബി സൂരജ്, പുഷ്പ ശശികുമാർ, രാജേന്ദ്രപ്രസാദ് അമൃത, രാധാകൃഷ്ണൻ പുല്ലാമഠം, ഹരി, പാലമൂട്ടിൽ,വനിതാ സംഘം യൂണിയൻ ചെയർപേഴ്‌സൺ ശശികല രഘുനാഥ്, യൂത്ത്മൂവ്‌മെന്റ് യൂണിയൻ ചെയർപേഴ്‌സൺ വിധു വിവേക്, കൺവീനർ ബിനുരാജ് എന്നിവർ പ്രസംഗിക്കും. മേഖലാ കൺവീനർ അനിൽകുമാർ റ്റി.കെ സ്വാഗതവും 146ാം നമ്പർ തൃപ്പരുന്തുറ ശാഖാ സെക്രട്ടറി മോഹനൻ.പി നന്ദിയും പറയും. ഉച്ചകഴിഞ്ഞ് 2.30ന് 2708ാം കാരാഴ്മ കിഴക്ക് ശാഖാ ഹാളിൽ നടക്കുന്ന ഗ്രാമം മേഖലാ യോഗത്തിൽ മേഖലാ കൺവീനർ ബിനുബാലൻ അദ്ധ്യക്ഷത വഹിക്കും. യൂണിയൻ അഡ്.കമ്മിറ്റിയംഗങ്ങളായ പുഷ്പ ശശികുമാർ, രാധാകൃഷ്ണൻ പുല്ലാമഠം, പി.ബി സൂരജ്, ഹരി പാലമൂട്ടിൽ, അനിൽകുമാർ റ്റി.കെ, രാജേന്ദ്രപ്രസാദ് അമൃത, വനിതാസംഘം യൂണിയൻ ചെയർപേഴ്‌സൺ ശശികല രഘുനാഥ്, യൂത്ത്മൂവ്‌മെന്റ് യൂണിയൻ ചെയർപേഴ്‌സൺ വിധു വിവേക്, കൺവീനർ ബിനുരാജ് എന്നിവർ പ്രസംഗിക്കും. മേഖല കൺവീനർ രവി.പി കളീയ്ക്കൽ സ്വാഗതവും വൈസ് ചെയർമാൻ ജയലാൽ ഉളുന്തി നന്ദിയും പറയും. രണ്ട് യോഗങ്ങളിലും യഥാക്രമം മേഖലാ കൺവീനർമാരായ അനിൽകുമാർ റ്റി.കെ, രവി പി കളീക്കൽ എന്നിവർ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിക്കും.