കോന്നി: എസ്.എൻ.ഡി.പി യോഗം 349-ാം വകയാർ ശാഖയിലെ വനിതാ സംഘം യൂണിറ്റിന്റെ നേതൃത്വത്തിൽ വകയാർ എസ്.എൻ.വി എൽ.പി സ്കൂളിൽ 27ന് ഉച്ചയ്ക്ക് 2ന് വിദ്യാർത്ഥികൾക്ക് പഠനോപകരണവിതരണവും കൈകൊട്ടികളിയും തിരുവാതിരയും നടക്കും. പത്തനംതിട്ട യൂണിയൻ പ്രസിഡന്റ് കെ.പത്മകുമാർ ഉദ്ഘാടനം ചെയ്യും. വനിതസംഘം യൂണിയൻ പ്രസിഡന്റ് സുശീല ശശി അദ്ധ്യക്ഷത വഹിക്കും. യോഗം അസിസ്റ്റന്റ് സെക്രട്ടറി ടി.പി സുന്ദരേശൻ മുഖ്യപ്രഭാഷണം നടത്തും. യൂണിയൻ സെക്രട്ടറി ഡി.അനിൽകുമാർ പഠനോപകരണങ്ങൾ വിതരണം ചെയ്യും. മൈക്രോ ഫിനാൻസ് യൂണിയൻ കോ-ഓർഡിനേറ്റർ കെ.ആർ സലീലനാഥ്‌, വനിതാസംഘം യൂണിയൻ സെക്രട്ടറി സരളാ പുരുഷോത്തമൻ,എസ്.എൻ.വി.എൽ.പി സ്കൂൾ ഹെഡ് മിസ്ട്രസ് അജിത.ഒ, ശാഖാ പ്രസിഡന്റ് പി.എ ശശി, ശാഖാ വൈസ് പ്രസിഡന്റ് സുലേഖ സുന്ദരേശൻ, ശാഖാ സെക്രട്ടറി കെ.വി വിജയചന്ദ്രൻ എന്നിവർ സംസാരിക്കും. ഗുരുകൃപകലാവേദി പനനിൽക്കുംമുകൾ കൈകൊട്ടിക്കളിയും, ശിവശക്തികലാവേദി മുതുപേഴുങ്കൽ തിരുവാതിരയും അവതരിപ്പിക്കും.