പന്തളം : ബാലസംഘം പന്തളം ഏരിയാ കമ്മിറ്റിയു​ടെ ആഭിമുഖ്യത്തിൽ നടത്തിയ ഹാപ്പിനെസ് ഫെസ്റ്റിവൽ അവധി കാലത്ത് കുട്ടികൾക്ക് വേറിട്ടാനുഭവമായി. നാടൻ കളികളും കുട്ടികളുടെ കലാ പ്രകടനങ്ങളുമാ​യി, വർണ്ണാഭമായ പരിപാടിയായി ഹാപ്പിനെസ് ഫെസ്റ്റിവൽ മാറി കേരള ഫോക്ക് ലോർ അക്കാദമി അംഗവും നാടൻ പാട്ട് കലാകാരനുമായ അഡ്വ.സുരേഷ് സോമ ഉദ്ഘാടനം ചെയ്​തു. ബാലസംഘം പന്തളം ഏരിയ കമ്മിറ്റി പ്രസിഡന്റ് ബി.അക്ഷര അദ്ധ്യക്ഷത വഹിച്ചു. അഡ്വ.ഷാൻ ഗോപൻ, ജി.പൊന്നമ്മ, ലസിത ടീച്ചർ, ആർ.ജ്യോതികുമാർ, ജയകൃഷ്ണൻ പള്ളി​ക്കൽ,കെ.ഷിഹാദ് ഷിജു ,കൺവീനർ ഡി.സുഗതൻ , അനിൽ പന​ങ്ങാട്, ഫിലിപ്പോസ് വർഗ്ഗീസ്, കെ.വി.ബാലചന്ദ്രൻ,കൺവീനർ കെ.എച്ച് .ഷിജു ,പന്തളം എന്നിവർ സംസാരിച്ചു നിരവധി ക്വിസ് മത്സരങ്ങളിൽ ഉന്നത വിജയം നേടിയ കെ.ഷിഹാദ് ഷിജുവിനെയും കലാ രംഗത്ത് മികച്ച നേട്ടം കൈവരിച്ച പത്മ രതീഷിനെയും ചടങ്ങിൽ ആദരി​ച്ചു.