പത്തനംതിട്ട : ജില്ലാ റഗ്ബി അസോസിയേഷന്റെ ആഭിമുഖ്യത്തിൽ ജില്ലാ സീനിയർ, ജൂനിയർ ആൺ - പെൺ ചാമ്പ്യൻഷിപ്പ് കാതോലിക്കേറ്റ് കോളേജ് ഗ്രൗണ്ടിൽ ആരംഭിച്ചു. ജില്ലാ സ്‌പോർട്‌സ് കൗൺസിൽ പ്രസിഡന്റ് കെ.അനിൽകുമാർ ഉദ്ഘാടനം ചെയ്തു. ഒളിമ്പിക് അസോസിയേഷൻ ജില്ലാ സെക്രട്ടറി ആർ.പ്രസന്നകുമാർ അദ്ധ്യക്ഷത വഹിച്ചു. റഗ്ബി അസോസിയേഷൻ ജില്ലാ പ്രസിഡന്റ് ഡോക്ടർ ചാർളി ചെറിയാൻ, കതോലിക്കേറ്റ് കോളേജ് ഫിസിക്കൽ ഹെഡ് ഡോ.ജിജോ ജോസഫ്, കോച്ച് ജോയൽ ജോസഫ് തുടങ്ങിയവർ സംസാരിച്ചു. തിരുവനന്തപുരത്ത് നടക്കുന്ന സംസ്ഥാന ചാമ്പ്യൻഷിപ്പിൽ പങ്കെടുക്കാനുള്ള ടീമിനെ ചാമ്പ്യൻഷിപ്പിൽ നിന്ന് തിരഞ്ഞെടുക്കും.