റാന്നി : എസ്.എൻ.ഡി.പി യോഗം അത്തിക്കയം ശാഖയുടെ അത്തിക്കയം ശ്രീനാരായണ ഗുരുദേവ ക്ഷേത്രത്തിലെ പ്രതിഷ്ഠാദിന മഹോത്സവം പാലാ മോഹനൻ തന്ത്രിയുടെ മുഖ്യകാർമ്മികത്വത്തിൽ നടന്നു. കുടുംബയോഗങ്ങൾ, വനിതാസംഘം, യൂത്ത് മൂവ്മെന്റ്, ബാലജനയോഗം എന്നിവയുടെ സംയുക്താഭിമുഖ്യത്തിലായിരുന്നു പരിപാടി. നവഗ്രഹ ശാന്തി പൂജ, മഹാമൃത്യുഞ്ജയഹോമം, കുടുംബൈശ്വര്യപൂജ, കലശപൂജ, കലശാഭിഷേകം, സർവൈശ്വര്യപൂജ, ഭഗവത് സേവ തുടങ്ങിയവ നടന്നു. എസ്.എൻ.ഡി.പി യോഗം ധ്യാനാചാര്യൻ സ്വാമി ശിവ ബോധാനന്ദ പ്രഭാഷണം നടത്തി. താലപ്പൊലി ഘോഷയാത്രയും ഉണ്ടായിരുന്നു.